كلمة أحـــــبـــــك

في الأيام دي اصبحت كلمة (بحبك) تقال بلا حساب وكأنك بتقول انا بحب المانجة

تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم

من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه

بالنسبة للشاب:

معنى انك قلت الكلمة دي يعني انت على استعداد انك
ترتبط بالإنسانة دي طول العمر وتغير مجرى حياتك لأنك اصبحت مش ملك نفسك
لوحدك ولازم تفكر بكل الطرق ازاي تبني مستقبلكم ...لما تقول كلمة بحبك
لبنت لازم تكون كلمة من قلبك مش للتسلية لأن كسر القلوب غالي ولو انت عملت
كدة أكيد الحركة دي هتترد فيك او في أولادك
لازم تكون على استعداد للتضحية...مش كل حاجة انت بس اللي تاخدها
لما تقولها تكون عارف ومتأكد ان ده حب حقيقي منك مش بتقولها كدة لعب عيال
فكر ألف مرة قبل ما تقولها...واعلم ان مسئولياتك زادت
لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم

ومعلش اسمحيلي بأضافه. كلمه بتجنني .بجد بفقد اعصابي
اما بسمع ولد يقولها لبنت. (انا مش عايز اظلمك معايا انا ظروفي مش عارف
هتتصلح امتي خلينا اصحاب احسن)
طب وانت ياابن الناس ماكنتش عارف ظروفك دي؟
طبعا كنت عارفها ...طب اما انت كنت عارفها ماكنتش عارف انك كده هتظلمها معاك؟
طبعا كنت عارف...طب واما كنتش عارف قلتلها بحبك ليـــــــــــــــــــــــــه؟
ياشباب البنت اما بتسمع كلمة بحبك من شاب وتحسها بيبقي عندها استعداد تقف جنبه مهما كانت الظروف
اتقوا الله فينا واعرفوا انكم ليكم اخوات بنات ماترضولهومش وجع القلب
جرح القلوب مش بالساهل

بالنسبة للبنت:

فكري مليون مرة قبل ما تقوليها لأن بعض الشباب
هوايتهم صيد البنات الساذجة الطيبة واللي أول ما يسمعوا الكلمة دي منك
يجري لأصحابه ويقول ضحكت عليها يللا نشوف واحدة غيرها
فكري كتير واتعظي من خبرات اللي سبقوكي وانكسر قلبهم
لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قال الشرع
تأكدي من شخصيته..واسألي نفسك هل اقدر اعيش معاه فعلا
مفيش شاب كامل طبعا بس برضو أختبريه بدون جرح مشاعره
أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته
لازم كل حاجة تعمليها يكون هو على علم بيها
في بنت هتقولي انا في كلية وطبيعة المواد والسكاشن
اني اتعامل مع شباب...ماشي مقلناش حاجة بس هو لازم يكون يعرف واحترمي
غيرته عليكي وعصبيته في الوقت ده لأن دي اشارة انه بيحبك فعلا طالما بيغير
وفهميه وجهة نظرك بهدوء
طبعا مفيش داعي ان انا اقول بلاش تقولي كلمة بحبك
للتسلية أو لأن في شاب عمل فيكي مقلب وحبيتي ترديه في واحد تاني انتقاما
من الشباب!!
لازم تحكمي عقلك كتير أوي قبل ما تحكمي قلبك في بداية الطرق
لحد ما تتأكدي مليون في المية ان الحب بينكم صادق

----------------------------------------------

كلمة بحبك بداية تكوين أسرة ولو اتبنت على أساس غير
سليم يبقى قول على الحب يللا السلام وانهيار الأسرة في الطريقالسؤال
دلوقتي ليكم لية البنت بتفكر تخدع او الشاب بيخدع البنت ليه مش كل واحد
يعامل التاني علي حسن النية بدون مقالب ولا مشاكلة وكسر قلوب ليه من الاول
لما انت عارف انك مش هتكمل معاها تعشمة وتخلية تتعلق بيك هو جرح القلوب
بقا رخيص قوي كده
بس عمتا
اعمل ما شئت فكما تودين تودان

ربنا يخليكي ليا يا ملك

_________________
منتدى الحبيب للجميع يرحب بكل اعضاءه الحالين والجدد وندعوا كل زائر ان يسجل معنا ويساهم معنا في منتدى الحبيب للجميع...
دلوقتي المنتدى بقا فيه اللي كل واحد منا يحتاجه من مواضيع اسلامية او اي مواضيع متنوعة - رياضية . ادبية . ترفيهية . برامج وغيرها الكثير...

عذراً لكل الأعضاء اللي شاركوا معانا بمواضيع كتير واتحذفت بس ده حصل يا شباب علشان المنتدى يكون انهاردة بالشكل ده. ويشكون فيه كل حاجة احنا بندور عليها..

شكراً لكم جميعاً...

جزاك الله خيرا اخى فى الله

بس طبعا احب اقول ان طبعا مش المقصود بالحب ان واحد يروح يقول لبنت انا بحبك وهى تقول له وانا كمان ويعيشوا مع بعض فى تبات ونبات لحد لما يتزوجوا حتى لو كانت نواياهم سليمه هما الاثنين

لان الشى الى يبدا بالحرام ربنا مش هيبارك فيه

انما الكلمه ديه فى اعتقادى لا تقال من الطرفين حتى لو كانوا هما الاثنين بيحبوا بعض غير بعد عقد الزواج
وميخلوش الشيطان يضحك بعقولهم انهم صادقين فى مشاعرهم وان نيتهم سليمه و...........

ولو ربنا شاء انهم يكونوا من نصيب بعض هيكونوا من نصيب بعض مهما حصل وان لم يشاء الله فلن تتم تلك الزيجه ولن يكسبوا شي سوى الخسران وغضب الله واولا واخيرا كلا بمشيئته سبحانه وتعالى

بارك الله فيك

والسلام عليكم ورحمة الله وبركاته

زائر

والله يا عبد الرحمن موضوعك في غايه الروعه بس اعذرني الي عجبني أكثر من الموضوع

مشاركه العضو راجيه عفو ربها.

شكرا عبده

جزانا واياكم ومشكورين على المرور اللي شرفني

_________________
منتدى الحبيب للجميع يرحب بكل اعضاءه الحالين والجدد وندعوا كل زائر ان يسجل معنا ويساهم معنا في منتدى الحبيب للجميع...
دلوقتي المنتدى بقا فيه اللي كل واحد منا يحتاجه من مواضيع اسلامية او اي مواضيع متنوعة - رياضية . ادبية . ترفيهية . برامج وغيرها الكثير...

عذراً لكل الأعضاء اللي شاركوا معانا بمواضيع كتير واتحذفت بس ده حصل يا شباب علشان المنتدى يكون انهاردة بالشكل ده. ويشكون فيه كل حاجة احنا بندور عليها..

شكراً لكم جميعاً...

بجد موضوع جامد جدااااااااااااااااااااا
المشكله ان كلمه بحبك بقيت بتتقال لاى حد وفى اى مكان واى وقت
وكمان ايه الشاب بيحب يطلع نفسه بطل وانه مش عايز يظلمها يا حرام Sad

(انا مش عايز اظلمك معايا انا ظروفي مش عارف
هتتصلح امتي خلينا اصحاب احسن)
بجد براااااااااااااااااااااااااااافو Wink

وربنا يخليلك ملك santa

شكرا لك اخى موضوع اتمنى ان تقراءه كل فتاة تريد صون عفتها