فقط للناس اللى خلصت امتحانات

سلامو عليكم يا جماعة
شوية نكت كدة على الماشى
علشان الناس اللى لسه مخلصة امتحانات
وطلع عينيها زيي كدة
تنبسط وتضحك
+
الناس اللى لسه بتمتحن وبردو طلعان عينيها

المهم
يحكى كدبا أن :

واحد لقى صاحبه مخنوق ومتضايق قاله مالك؟
قاله شيبسى فى حالى
قاله ليز؟
قاله ابويا كرانشى من البيت
قاله يا راجل قلبظ دماغك.

كان اتنين محششين قاعدين بيحششو ومولعين نار جمبيهم
وشافو الشرطة جاية قامو يصلو
فلما الضابط سألهم بتعملو اية قالو بنصلي وقالهم واية النار دي قالهم مولعينها علشان اللي مبيصليش.

محشش عصبي وجعه ضرسه راح للدكتور وقاله " شيلى كل ضروسي وخليه زي الكـلب لوحده "

التلميذ : بحبك يا أبله و عاوز أتجوزك...
الأبلة: بس أنا مبحبش الأولاد الصغيرين...
التلميذ: وأنا مش مستعجل على الأولاد

واحد كسب مليون دولار واتصل بمراته وقال لها حضري شنطة الولاد كسبت مليون دولار
ردت عليه وقالته اللبس الصيفي ولا الشتوي
قال لها مش مهم الصيفي او الشتوي
المهم اني ارجع البيت ما اشوف وشك فيه.

مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى،
المهم راحو يسلموا فالتانى قاله اقعد اقعد اهم جايين يسلمو علينا

واحد بلدياتنا جاله تليفون بيقوله يا هريدى أمك وأبوك ومراتك وأولادك كلهم ماتوا .. صاحبنا سمع الخبر قال الحياة ملهاش لزوم ، وراح طالع فوق عماره 30 دور ، ورمى نفسه بين الدور الـ 30 لـ 20 قال اللللله أنا أمي وأبويا ماتوا من زمان بين 20 و10 قال الللله أنا مش متزوج وقبل ما يقع على الارض قال يا بوووى أنا مسميش هريدى ..

مرة واحد مسطول قاعد يفكر مع نفسه ويقول
"جمبرى فى الطبق؟
لا لا ارنب فى الجردل؟
برضه لا مش دى استكوزا فى البانيو؟
يوووة برضه مش دى، انا هتصل اعرف من الدكتور احسن.
" راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"

مرة واحد راح للبقال
قاله هات ببريزه حلاوه طحنيه
قاله ما فيش قاله ادينى اى حاجه قاله ما فيش ،
قاله يا عم هات اى حاجه،
البقال جاب القالب وبيقطع حته علشان يديهاله قالو انت لسه هتشيل منها

فيلسوف فرنساوي قال لقد حفرنا تحت برج ايفل ولقينا أسلاك تليفونات وده دليل على انه احنا عندنا التليفونات بقالها اكتر من 100 سنة ،
وقام الإيطالي وقال احنا حفرنا تحت برج بيزا ولقينا أسلاك تليفونات وده دليل انه احنا عندنا التليفونات بقالها اكتر من 500 سنة ،

وقام البروفيسور العظيم المصري وقال:
احنا حفرنا تحت الأهرامات وملقيناش أى سلوك وده دليل على انه احنا عندنا الموبيلات بقالها اكتر من 7000 سنة .

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت.

مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور ( قلبلى نور )
وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم (ماليش دعوة انا بالواد الروش ده )

مرة بنت بتسال امها ليه يا ماما العروسة بتلبس ابيض في الفرح
قالتلها يا حبيبتي ده بيبقى اسعد يوم في حياتها
قالتلها اهااااااااااا عرفت ليه الراجل بيلبس اسود !!!!!

سكران يسال محشش هى الصين بعيدة عن هنا قالة ماعتقدش لان فى صينى معانا فى الشغل بيجى بعجلة

واحد مصرى وواحد امريكى
الامريكى:: احنا عندنا ديمقراطية اكتر منكم انا اقدر ااقف ف وسط واشنطن واقول يلعن الرئيس الامريكى
رد المصرى قال: احنا عندنا ديمقراطية اكتر منكم انا اقدر ااقف ف ميدان التحرير واقول يلعن ابو الرئيس الامريكى

يلا تقبلوا تحياتى

ههههههههههههههههههههههه
حلو قوي فعلا محتاج ناس مخلصه
امتحانات اعتقد ان كلنا مخلصين
شكرا يا اختي على الموضوع
_________________
اللهم اغفرلها وارحمها وعافها واعف عنها
وأكرم نزلها ووسع مدخلها
واغسلها بماء الثلج والبرد ونقها من الذنوب والخطايا كما ينقى الثوب الأبيض من الدنس
اللهم عاملها بما أنت أهله ولا تعاملها بما هي أهله
اللهم اجزها عن الأحسان احسانا وعن الأساءة عفوا وغفرانا
اللهم أبدلها دارا خيرا من دارها وأهلا خيرا من أهلها وزوجا خيرا من زوجها وادخلها الجنه وأعذها من عذاب النار
اللهم آمين اللهم آمين

هههههههههههههههههههههههههههههههههههههههههههههههههههههه

جامده من هنا لبكره

_________________

** فقط للناس اللى خلصت امتحانات **

** فقط للناس اللى خلصت امتحانات **

فقط للناس اللى خلصت امتحانات

فقط للناس اللى خلصت امتحانات