من البداية مافيش كدب - مافيش احراج
ولا يهمك ولا تشيل هم أصلا
نبدأ يا بنات
نبدا يا عبدالرحمن

وأريد إجابات صريحة من كل البنات
ردي بـ نعم أو لا .. ولكى أن تشرحى لنا وجهة نظرك

حاضر ندخل في الموضوع على طول
هل ترفضين طلب رجل الزواج بكِ لهذه الأسباب :


1 - هل ترفضينة لأنه لا يصلى ؟
اكييييييييييد
2 - هل ترفضينة لأنه يدخن ؟
طبعا بس ممكن لو في مجال انه يبطل ارفضه ليه
3 - هل ترفضينة لأنه يعاكس الفتيات ؟
طبعا يا ابني انت هتهزر ولا ايه
بس لو تاب ان الله غفور رحيم
4 - هل ترفضينة لأنه بخيل ؟
يا سلام اكيد طبعا لان البخل بيصحبه صفات تانيه مش كويسه
5 - هل ترفضينة لأنه مهزوز الشخصية ؟
طبعا لازم يكون واثق من نفسه ومتزن
6 - هل ترفضينة لأنه لايعمل ؟
والله العظيم هي دي عايزه سؤال امال انا اللي هشتغل ولا ايه
7 - هل ترفضينة لأنه سيسكن مع أهله ؟
غالبا آه بس يعني لو قريبي أكيد لاء بس لو مش من اهلي يبقى الموضوع صعب ومحتاج تفكير على حسب اهله مين كويسين ولا وضعهم ايه
8 - هل ترفضينة لأنه فقير ؟
فقير ازاي يعني ماهو الفقر مش عيب بس مش لازم مستواه يكون معقول يعني ما هو مش معقول هشحت انا وهو يعني
9 - هل ترفضينة لأنه مريض ؟
ربنا يشفي الجميع بس مش عارفه على حسب
10 - هل ترفضينة لأنه عصبى المزاج ؟
هيهدى ان شاء الله العصبيه مش وحشه بس وحشه لو عمال على بطال
11- هل ترفضينة لأنه يتلفظ بألفاظ سيئة ؟
اكيد طبعا مش لازم يكون انسان محترم ومؤدب
12- هل ترفضينة لأنه لايهتم بمظهرة ونظافتة ؟
مش هرفضه بس هحاول أظبطه
13 - هل ترفضينة لأنه سمين أو نحيف (المظهر) ؟
لاء كل ده يتظبط
14 - هل ترفضينه لأنه يعانى من إعاقة ؟ (( شلل أطفال مثلاً أو لا يسمع أو لا يتكلم ))
اعاقه والله على حسب رأي أهلي برده ما هم اكيد مش هيرموني لاي حد يعني
15- هل ترفضينه لإختلاف اللون ؟
اللون يعني ايه مش فاهمه بس لوقصدك سمار او بياض لاء كل واحد فيه جانب جمال
16 - هل ترفضينه لنسبه ؟
طبعا لان أولادي هيشيلوا اسمه
17 - هل ترفضينه لو إشترط عليك عدم إكمال الدراسة أو العمل ؟
يا سلام ده يؤمر
18 - هل ترفضينه لأن والدته متسلطة ؟
طبعا
19 - هل ترفضينه لأنك ترينه أخ لك ؟ (( إبن العم - إبن الخال مثلاً ))
تعرف ممكن بس في نفس الوقت الناس دي هم اكتر الناس هيحبوني وهيخافوا عليا
20 - هل ترفضينه لأنه غيور ؟

لاء طبعا بس تكون بشكل معقول على فكره دي حاجه كويسه وبتدل على الحب

وكل بنت تدخل الموضوع تجاوب

ما هو انا جاوبت اهو
المجموعة الثانية منم الاسئلة يا بنات
انت مطول ولا ايه
[size=16]الرد زي ما تحبي بالتفصيل ممكن[/size]
حاضر ولا يهمك
. هل تجيدين الطبخ؟
لاء طبعا مش اجاده بس ليا في المطبخ رايقه يعني بحب شغل المطبخ ده بس مش دايما حسب المود
بس بعرف أطبخ

2. ألديكِ نظريات شخصية حول تربية الأولاد ؟

اكيد كل واحد ليه طريقته

3. هل تهتمين بمكياجك لما تخرجي من البيت ؟
لاء لأانه حرام بس جوا البيت وماله بهتم جدا
4. اعرف انك تحبين والديك لكن من تحبين اكثر باباكي ام مامتك؟ ؟
هو كان في وقت معين بحب بابا اكتر من ماما كنت اقرب ليه من ماما
بس دلوقتي كسبتهم هما الاتنين الحمد لله


5. أتحبين الكلام مع صديقاتك عن مغامراتك الغرامية ؟

ههههههههههه حلوه مغامراتك الغراميه دي بص في ناس ترتاح لما تتكلم معاهم وتحب تكلمهم بس مش اتكلم مع اي انسانه يعني في اي حاجه كده

7. أتعتقدين أن الخيانة الزوجية تقضي على الزواج ؟

اكيد طبعا بس اعتقد انها مش هتحصل الا لو كان في تقصير من احد الطرفين يعني اعتقد ممكن تتغفر

8. أتخافين العزلة والظلمه ؟

لاء بحبها قوي

9. أتحتاجين دائماً إلى مظاهر خارجية من العطف و الحب ؟
يعني ايه مظاهر خارجيه من العطف والحب هو اي حد بيحتاج لحب وعطف طبعا بس مش فاهمه قصدك


10. أتهتمين كثيراً برأي الآخرين ؟

اه غالبا بس مش من ي حد يعني في آراء ناس ممكن توقعك وتخليك تشك في نفسك وفي ناس رأيها يفوقك ويصلحك

11. أتشعرين أحياناً بأنك مذنبة دون أن تعرفي لماذا بالضبط ؟

احيانا بحس بكده بس غالبا بيكون لسبب

12. أتشعرين بحاجة ماسة لأن تحاطين بالعطف ؟

طبعا يا عبدالرحمن اكيد اي حد محتاج يحس بكده بس ممكن ماتكونش حاجه ماسه يعني

13. أتحبين أن تكوني ( بين الجماعة ) ممن لا يُستغنى عنهم اقصد
ان تكوني دائما برفقة صديقاتك ( لطق الحنك) ؟

مش دايما يعني اانا زمان كنت كده دلوقتي لاء ما بقيتش احب قوي

14. هل لديكِ الكثير من ذكريات الطفولة ؟
لاء خالص مش كتير ولا حاجه طبعا كانت ايام حلوه بس لما تعيش يومك وتنسى اللي فات احسن

15. أتؤمنين بالقضاء والقدر ؟

طبعا يا ابني انت بتقول ايه هو ده سؤال

16. هل أنتِ من نصيرات التحرر النسوي ؟


لاء مش قوي في ناس بتستغل الوضع ده بطريقة مش كويسه

17. أتحبين بصورة خاصة أن تكوني ( مع صديقات ) ؟

لاء كنت قبل كده بحب بس دلوقتي عادي


18. هل انت راضيه عن علاماتك بالمدرسه او عن وظيفتك

علاماتي في المدرسه بص بقى الواحد مهما بيكون كويس لازم ما يبقاش راضي عن نفسه علشان يحاول يكون احسن
بس طبعا الحمد لله على كل حال كله توفيق من ربنا

19. أتعتقدين أن بامكان المرأة أن تحقق ذاتها في الحياة المهنية ؟
اه طبعا ليه لاء وهي مالها المراه يعني ناقصه ايد ولا ناقصه رجل
بالعكس في ستات كتيره بتحقق حاجات ميه راجل ما يعرفش يحققها



20. هل انت واثقه من نفسك 100% او 80% او 50% ؟

ما تتقاسش كده خالص ما اعتقدش اني هقدر احددلك بالظبط بس ثقتي بنفسي بتزيد لما بحس ان ربنا راضي عني

21. هل يزعجك احد بالمنتديات ؟

هههههههههههههههههههه
حلو السؤال وقع بقى لاء طبعا كلهم اخواتي وحبايبي ولو كنت بنزعج من حد دلوقتي بعد السؤال ده خلاص كله تمام

22. أتحبين السفر دون مرافق من اهلك؟


لاء بالعكس هو صح ممتع اني اسافر لو حدي او مع اخواتي وانا مجربه بس احساس بالمسؤوليه وتعب والله
لكن لو حد معايا الموضوع بيبقى اسهل بس احيانا الظروف بتفرض عليك انك تسافر لوحدك

26. اكتبي 3 صفات لعريس المستقبل ؟؟